Шымкент қаласында карантин талаптарын сақтау бойынша аудан аумақтарында рейдтік іс-шаралар жүргізілуде.
Абай ауданы бойынша мобильдік топ 38 нысанды аралады. Аудан әкімі аппаратының және жергілікті полиция қызметкерлері, №13 емхананың қызметкерлері сауда нысандарына тексеру жұмыстарын жүргізді. Бұл туралы Шымкент қаласы әкімдігінің баспасөз қызметі хабарлады.
Рейд барысында 6 нысанда мерекелік іс-шаралар өтіп жатқандығы анықталып, әкімшілік хаттамалар толтырылды.
Аудан әкімдігі бұл бағыттағы жұмыстарды одан әрі жандандырмақ. Қала тұрғындарын карантиндік талаптарды сақтап, жауапкершілікті сезінуге шақырамыз.
